PARBUNGKAS NI MARGA SARUKSUK SIAN LOBU SARUKSUK
Mangihuthon hatani partondion marhite napinatangkas tu sandaran ni Omputa, i ma parsonduk bolon ni hahadolinta marga Pasaribu Gorat (Kepala Desa Sipultak), inanta i boru Cina tangkas do dipaboa, di LOBU SARUKSUK do :
1. Hinambor ni Raja Saruksuk / Hapitta br. Simamora Debata Raja
2. Mual / Sumur ni Raja Saruksuk
Tanda-tanda hinambor / mual ni Omputta Raja Saruskuk :
Ø Kuburan ni Raja Saruksuk ima dingkan hasunduton ni kuburan umum di lobu saruksuk, di topi ni bekas tali air tano manasursur.
Ø Mual / Sumur ni Raja Saruksuk, adong do ± 10 meter sian dingkan toruan sian hinambor nai, di atas na adong bunga-bunga batak/bunga raya, jonokkon ni silinjuang nabontar laos jonok do sian i muse hinamborni Omputa Boru na nialap ni Raja Saruksuk na parjolo.
Ala dang tubuan anak (boru Simamora Debata Raja), gabe dialap ma muse maenna/boru ni tunggane na, i pe asa tubuan anak. Gabe i ma bonsir singkap mabar-bar, tarancam ngoluni Raja Saruksuk. Muruk situtu ma simatuana, pola sanga diampehon piso tu rungkungna didok naeng seatonna Raja Saruksuk. Alai marsomba-somba ma omputa boru huhut tu matangis, marsomba mangido ampun, jala didok omputa boruma : “bungkas pe hami sian hutaon, asal ma mangolu hami”. Laos dipalua simatuana ma Raja Saruksuk.
Dang sadia leleng nari borhat ma Raja Saruksuk marlumba dinasungkot marsaep di partaonan, mamolus tombak longo-longo mangalului ngolu-ngolu mamungka huta tu tano naso dung didege laos sahat ma nasida tu tano Raba-raba, ima dingkan Barus. Di si ma nasida tinggal laos mamungka huta, i ma daerah Pasaribu Dolok.
Dung marpinompari Raja Saruksuk di huta Raba-raba, lam matua ma pamatang Raja Saruksuk, na ala diboto jonok nama tingki diibana, naeng mulak tu namanongos, mahella (mulak) ma ibana dohot omputa boru tu bona pasogitna tu Lobu Saruksuk, nadigoari saonari HUTA LUMBAN LOBU, KEC. PAGARAN, KAB. TAPANULI UTARA, laos disi do hinambor ni Raja Saruksuk dohot hinambor ni Omputa Boru Debata Raja.
Tidak ada komentar:
Posting Komentar